පළමු අදියර

පළමු අදියරේ දී ඔබ කොරියානු භාෂාව පරීක්‍ෂණයෙන් සමත්විය යුතුවේ. ඒ සඳහා කොරියානු මානව සම්පත් සංවර්ධන අධිකාරිය (H.R.D. ආයතනය) මගින් නිර්දේශිත ප්‍රමිතිගත නව විෂය නිර්දේශය පාඨමාලාවක් සාර්ථකව හැදෑරිය යුතුවේ. තවද එම විභාගයට අයදුම් කරන අවස්ථාවේ දී ඔබ බලාපොරොත්තු වන රැකියා ක්‍ෂේත්‍රය ඉල්ලුම් කළ යුතුවේ.

විභාග ප්‍රවේශපත්‍ර ලබා ගැනීමට නම් ඔබ සම්පූර්ණ කර තිබිය යුතු සුදුසුකම්

1. වයස අවුරුදු 18- 39 අතර අයෙකු වීම.
2. උසාවියකින් අපරාධ සම්බන්ධ නඩු නිමිත්තක වරදකරුවවකු වී දඩ මුදල් වගවීමක් , සිර දඬුවම් හෝ බරපතල දඩුවම් නොලැබුණු අයෙකු වීම. වැඩිදුර විස්තර සදහා මෙම වීඩිවයෝව බලන්න. https://www.youtube.com/watch?v=lOgPiVMb1rY
3. කොරියානු ජනරජයෙන් ආපසු හරවා හෝ නෙරපා එවූ අයෙකු නොවිය යුතුය.
4. මෙරටින් බැහැරවීම් තහනම් කර ඇති අයෙකු නොවිය යුතුය.
5. වර්ණ අන්ධ හෝ වර්ණ දුර්වලකම් නොමැති අයෙකු විය යුතුය.
6. කොදු ඇට පෙළ ආබාධ සහිත හෝ ඇගිලි අඩු හෝ ඇගිලි ඉවත් කර ඇති අයෙකු නොවිය යුතුය. එවැනි ආබාධ සහිත පුද්ගලයින්ට විභාගයට පෙනී සිටීමට අවස්ථාව හිමිවන නමුත් ඔවුන් විභාගය සමත් නොකරනු ඇත.
7. ඊ-9 හෝ ඊ - 10 යන වීසා කාණ්ඩ යටතේ වසර 5ක් හෝ ඊට වඩා වැඩි සේවා කාලයක් දකුණු කොරියාවේ සේවය කර නොමැති අයෙකු විය යුතුය.
8. වලංගු විදේශ ගමන් බලපත්‍රයක් තිබිය යුතුයි.